આજે બે તહેવાર નો સમન્વય છે, મુસ્લિમો નો રમજાન અને હિન્દુઓની અક્ષય તૃતીયા !!
ચાલો થોડું જાણીયે અક્ષય તૃતીયા કે અખા ત્રીજ તરીકે ઓળખાતા તહેવાર વિષે, શાત્રોમાં કહ્યું છે કે આજના દિવસે કરેલ જપ,તપ, જ્ઞાન અમે દામ અક્ષય ફળ આપતું હોય છે. આજના દિવસે સ્વર્ણિમ અને સત્યના યુગનો આરંભ થયો તેવું માનવામાં આવે છે તેથી તેને યુગાદિ તૃતીયા પણ કહે છે. આ ઉપરાંત આજના દીવાએ સોનુ કે ચાંદી ખરીદવું પણ લાભકારી મનાય છે
આજના પાવન દિવસે જે પણ શુભ કાર્ય કરવામાં આવે છે, તે કાર્ય હંમેશા સિદ્ધ થાય છે અને ઉત્તમ ફળ ને પ્રાપ્ત કરે છે. આ વ્રત મુખ્યત્વે દાન પ્રધાન છે. આ દિવસે અધિકાધિક દાન આપવાનો કર્મ કરવો એ ખુબ મોટું મહાત્મય ધરાવે છે. જાણકારોના માન્ય અનુસાર જો અક્ષય તૃતીયા મધ્યાહ્નથી પહેલા શરૂ થઈને પ્રદોષકાળ સુધી રહે તો શ્રેષ્ઠ ગણાય છે.
લક્ષ્મી અને ધન ધાન્યની પ્રાપ્તિ માટે આજે આટલી બાબતો ધ્યાનમાં રાખવી:
* આજના દિવસે બ્રહ્મ મૂહૂર્તમાં ઉઠવું અને સ્નાન કરવું
* પીળા વસ્ત્ર ધારણ કરવા
* સવારે ઉઠી અને સૂર્યને જળ અર્પણ કરવું
* મહાલક્ષ્મી સ્ત્રોત્રનું પઠન કરવું લાભકારક રહે છે
* ઘરમાં ભગવાન વિષ્ણુની મૂર્તિ કે ચિત્ર મૂકી અને દીવો કરવો
આજના દિવસે નિમ્નલિખિત મૂળ મંત્રનો જાપ કરવો :
મમાખિલપાપક્ષયપૂર્વક સકલ શુભ ફળ પ્રાપ્ત્યે
ભગવત્પ્રીતિકામનયા દેવત્રયપૂજનમહં કરિષ્યે
