ભારતમાં કોરોના વાયરસના કહેર વચ્ચે IPL 2021 નો રોમાંચ ચરમસીમાએ છે. ટૂર્નામેન્ટ તેના મધ્ય તબક્કા તરફ આગળ વધી રહી હોય તેવું લાગે છે, પરંતુ તે દરમિયાન આઈપીએલના મેદાનની બહારના સમાચાર ભારતીય ક્રિકેટ માટે સારા નથી. આ સમાચાર ભારતીય ફાસ્ટ બોલરના નિધન સાથે સંબંધિત છે. હૈદરાબાદ તરફથી ક્રિકેટ રમનાર 33 વર્ષીય ભારતીય ઝડપી બોલરનું હાર્ટ એટેકથી નિધન થયું છે. અશ્વિન યાદવ નામના આ ઝડપી બોલરનું અચાનક મોત થતાં તેની પત્ની અને 3 બાળકોને મોટો આંચકો લાગ્યો છે, તેમ જ ભારતીય ક્રિકેટમાં પણ શોકનું મોજું ફરી વળ્યું છે.
અશ્વિન યાદવે તેની કારકિર્દીમાં હૈદરાબાદ તરફથી 14 પ્રથમ વર્ગની મેચ રમી હતી, જેમાં તેણે 34 વિકેટ લીધી હતી. 2007માં તેણે મોહાલીમાં પંજાબ સામે રણજીની શરૂઆત કરી હતી. યાદવનું સર્વશ્રેષ્ઠ પ્રદર્શન વર્ષ 2008-09માં દિલ્હી સામેની મેચમાં જોવા મળ્યું હતું, જ્યારે તેણે ઉપલ સ્ટેડિયમમાં 52 રન આપીને 6 વિકેટ લીધી હતી. તેણે છેલ્લી રણજી મેચ 2009માં મુંબઇ સામે રમી હતી. રણજી કારકીર્દિ છોડ્યા પછી પણ તે ક્રિકેટર તરીકે સ્થાનિક લીગમાં સક્રિય હતો. 33 વર્ષીય અશ્વિન યાદવે હૈદરાબાદ તરફથી 10 લિસ્ટ-એ મેચ અને 2 ટી 20 મેચ પણ રમી હતી.
ભારતના હાલના ફિલ્ડિંગ કોચ આર.કે. શ્રીધરે અશ્વિનના મોત પર શોક વ્યક્ત કર્યો છે. તેણે હૈદરાબાદના ઝડપી બોલરને મનોરંજક પ્રેમાળ વ્યક્તિ ગણાવ્યો અને પરિવાર પ્રત્યે સંવેદના વ્યક્ત કરી. આર. શ્રીધરે ટ્વીટ કર્યું હતું કે, અશ્વિન યાદવના નિધનના સમાચારથી હું દુઃખી છું. તે ટીમમેન છે. તે આનંદદાયક હતો. તે એક ઝડપી બોલર હતો. હું તેમના પરિવારને હિંમત આપવા ભગવાનને પ્રાર્થના કરીશ. “
VR Sunil Gohil
