મિત્રોનો છૂપો દ્વેષ તકલીફ આપે છે

મિત્રોનો છૂપો દ્વેષ તકલીફ આપે છે

દુશ્મનો તો માત્ર લેશ જ તકલીફ આપે છે
મિત્રોનો છૂપો દ્વેષ તકલીફ આપે છે

ભક્ત ને મારવો એ ભગવાનનું પણ ક્યાં છે ગજું
ભીષ્મને શિખંડીનો વેશ તકલીફ આપે છે

માઁ ને તો વણજોઇતું બાળ હોય છે વધું વ્હાલું
જગને જ પાડો જણતી ભેંસ તકલીફ આપે છે

ગાંધી હવે જન્મે તો ઉપાડે એ ય બંદૂક જ
નામે ચરનારો ખાદી પહેરવેશ તકલીફ આપે છે

વિશાળ જગ માં સૌ માટે છે સ્થાન,માન,ખાનપાન
ટોચે એકલાં જ રહેવાની રેસ તકલીફ આપે છે

બાહ્ય દુશ્મનોને તો પળમાં મારે સૈનિકો પણ
ગૃહયુદ્ધમાં સડતો સ્વદેશ તકલીફ આપે છે

-મિતલ ખેતાણી