ઈંગ્લેન્ડના કેપ્ટન જો રૂટની ભારત પ્રવાસની શરૂઆત શાનદાર રહી છે. ચેન્નાઈમાં રમાઈ રહેલી પહેલી ટેસ્ટ મેચમાં તેમણે 218 રનની ઈનિંગ રમી હતી. રૂટે તેની સાથે પોતાની 100મી ટેસ્ટને પણ યાદગાર બનાવી દીધી હતી. 218 રનની મેરેથોન ઈનિંગ દરમિયાન રૂટે અનેક રેકોર્ડ પોતાના નામે કર્યા છે. જો રૂટ 100મી ટેસ્ટમાં બેવડી સદી ફટકાનાર વિશ્વના પહેલા ક્રિકેટર બની ગયા છે.
પહેલા દિવસે 128 રન બનાવીને અણનમ રહેલા જો રૂટે પોતાની ઈનિંગને આગળ વધારતા બીજા દિવસના લંચ સુધીમાં 341 બોલનો સામનો કરીને સદી પુરી કરી હતી. રૂટે ઈનિંગની 143મી ઓવરના ત્રીજા બોલે રવિચંદ્રન અશ્વિનના બોલ પર સિક્સર મારીને સદી પુરી કરી હતી. રૂટે પોતાના કરિયરની પાંચમી બેવડી સદી ફટકારી છે. છેલ્લી ત્રણ મેચમાં રૂટે બીજી વખત 200 રનના આંકડાને પાર કર્યો છે. અગાઉ રૂટે શ્રીલંકામાં શ્રીલંકા વિરુદ્ધ સદી ફટકારી હતી.
જો રૂટના નામે 100મી ટેસ્ટમાં સૌથી વધારે રન બનાવવાનો રેકોર્ડ પણ નોંધાયેલો છે. રૂટે પાકિસ્તાનના ઈંઝમામ ઉલ હકનો રેકોર્ડને તોડ્યો હતો. ઈંઝમામે વર્ષ 2004-05માં ભારત વિરુદ્ધ બેંગ્લુરુમાં પોતાની 100મી ટેસ્ટમાં 184 રનની ઈનિંગ રમી હતી. ટેસ્ટ મેચોમાં રૂટની આ સળંગ ત્રીજી 150 અથવા તો તેનાથી વધારે રનની ઈનિંગ રહી છે. તે સતત 150 પ્લસનો સ્કોર કરનાર બેટ્સમેનોની યાદીમાં સાતમાં નંબર પર પહોંચી ચૂક્યા છે. રૂટે અગાઉ શ્રીલંકામાં રમાયેલી બે ટેસ્ટ મેચોમાં 228 અને 186 રનની ઈનિંગ રમી હતી. સતત સૌથી વધુ 150 પ્લસના સ્કોરનો રેકોર્ડ શ્રીલંકાના કુમાર સંગકારાના નામે છે. તેમણે વર્ષ 2007માં 4 વખત 150 પ્લસનો સ્કોર બનાવ્યો હતો. બીજા નંબર પર વિલી હેમંડ (1928-29) છે. તેમણે 3 વખત આ કારનામું કર્યું છે, જ્યારે મહાન બેટ્સમેન ડોન બ્રેડમેન, પાકિસ્તાનના પૂર્વ કેપ્ટન ઝહીર અબ્બાસ, મુદસ્સર નજર અને ન્યૂઝીલેન્ડના ટોમ લેથમ (2018-19) પણ 3-3 વખત આ ઉપલબ્ધિ પોતાના નામે કરી ચૂક્યો છે.
જો રૂટ કરિયરની 98, 99મી અને 100મી ટેસ્ટમાં સદી ફટકાનાર વિશ્વનો પહેલો ક્રિકેટર બની ગયો છે. જો રૂટે અગાઉ શ્રીલંકામાં રમાયેલી પોતાની 98, 99મી ટેસ્ટ મેચમાં સદી ફટકારી હતી. તેના સિવાય 100મી ટેસ્ટમાં સદી ફટકારનાર જો રૂટ ઈંગ્લેન્ડના ત્રીજા ખેલાડી છે, જ્યારે ઓવરઓલ 9મા ખેલાડી છે. રૂટથી પહેલા કે કોલિન કાઉડ્રે અને અલેક સ્ટીવર્ટે આ કારનામું કર્યું હતું.
જો રૂટે પોતાના કરિયરની પાંચમી સદી ફટકારી હતી, તેમણે ઘરઆંગણે એલિસ્ટેયર કૂક, દક્ષિણ આફ્રિકાના પૂર્વ ઓપનપ ગ્રીમ સ્મિથ અને ભારતના દિગ્ગજ બેટ્સમેન રાહુલ દ્રવિડની પણ બરાબરી કરી લીધી છે. આ તમામ બેટ્સમેનોના નામે 5 બેવડી સદી છે.
VR Sunil Gohil
