દુનિયાભરમાં કેન્સર પ્રત્યે જાગૃતતા ફેલાવવા માટે 4 ફેબ્રુઆરીના રોજ વિશ્વ કેન્સર દિવસ ઉજવવામાં આવ્યો હતો. કેન્સર પ્રત્યે જાગૃતિ ફેલાવાવના અભિયાનમાં તમામ સેલેબ્રિટીઝ પણ પોતાનું યોગદાન આપી રહ્યાં છે. જેમાં બોલિવૂડ એક્ટર વિવેક ઓબેરોયનો પણ સમાવેશ થાય છે. વિવેક ઓબેરોય 18 વર્ષથી આ કામ કરી રહ્યો છે. ભલે વિવેક ઓબેરોય હવે ગણીગાંઠી ફિલ્મ્સમાં જોવા મળતો હોય પરંતુ તે સામાજિક મામલે પણ ખૂબ જ એક્ટિવ છે.
ગત 18 વર્ષથી વિવેકે 2.5 લાખથી વધારે બાળકોને કેન્સર સામે લડવા માટે ભાવનાત્મક અને આર્થિક રીતે મદદ કરી છે. તે વર્ષ 2004માં જ કેન્સર પેશન્ટ એન્ડ એસોસિએશન સાથે જોડાઈ ગયો હતો. એસોસિએશન સાથે વિવેકે હોસ્પિટલ બહાર રસ્તા પર સૂઈ રહેલા પરિવારને બચાવ્યા હતાં. તેમને રહેવા માટે જગ્યા આપી અને તેના બાળકોને ભયાનક બીમારી સામે લડવા માટે આર્થિક રીતે મદદ પણ કરી.આટલું જ નહીં, વિવેકે તે ખેડૂત અને તેના પરિવારની પણ મદદ કરી છે. જેને દેવું કરીને પોતાની જમીન અને ઘરને ગીરવી રાખવું પડ્યું છે. તે કહે છે કે, ‘મારો હેતુ એ સુનિશ્ચિત કરવાનો છે કે કોઈપણ બાળક પીડિત ન થાય કારણકે અનેક માતાપિતા કેન્સરની સારવાર અને ખર્ચને ઉપાડી શકતા નથી.
જો આ લડાઈથી જીતવાનો કોઈ રસ્તો છે તો એ દરેક બાળકનો અધિકાર છે.’ વિવેક અનુસાર, ગ્રામીણ ભારતમાં ખેડૂત પરિવારોના 2.5 લાખથી વધારે ગરીબ બાળકોને કેન્સરમાં તેમજ આર્થિક અને ભાવનાત્મક રીતે પણ મદદ કરી હતી. જે મારી 18 વર્ષમાં સૌથી મોટી ઉપલબ્ધિ છે. હું બીજા અન્ય સક્ષમ લોકોને પણ હાથ આગળ વધારવાની અપીલ કરું છું.
VR Dhiren Jadav
