આમ તો ભારતીય યુઝર્સ ઓનલાઇન બેન્કિંગ તરફ ત્યારે જ વળ્યા, જ્યારે કોરોનાના કારણે દુનિયા ડિજિટલ થવા લાગી. સતત ઓનલાઇન બેંકિંગનો પ્રસાર વધ્યો છે. જ્યાં પહેલા લોકોને પૈસા ટ્રાન્સફર કરવા માટે લાંબી લાઈનમાં ઊભા રહેવું પડતું હતું, તો હવે માત્ર થોડી વારમાં જ આ કામ સરળતાથી થઈ જાય છે. જોકે જેટલા લોકો ડિજિટલ થઈ રહ્યા છે, એટલા જ બેન્કિંગ ફ્રોડ્સમાં પણ વધારો થઈ ગયો છે. આ રીતેની ઘટનાઓ છેલ્લા ઘણાં વર્ષોમાં સામે આવી છે. સરકાર અને બેંકોએ એ જવાબદારી ઉઠાવી છે કે લોકોને સાઇબર ક્રાઇમ માટે સાવધાન કરી દીધા છે, પરંતુ એ છતાં એ રીતેના ક્રાઇમ થાય છે.
સાઈબર ક્રિમીનલ્સ લોકોને લૂંટવા માટે અનેક રીતો અપનાવે તેમાંથી જ એક છે આ બ્રાન્ડ ન્યુ રીત,જેના વડે સાઇબર ક્રિમીનલ્સ લોકોને લૂંટી રહ્યા છે. આ વાતની જાણકારી ગૃહ મંત્રાલયે આપી છે. સરકારી એક ટ્વીટર હેન્ડલ જેનું નામ સાઇબર દોસ્ત છે, એ ટ્વીટર ડેન્ડલ થકી લોકોને આ નવી રીતથી સાવચેત કર્યા છે. મંત્રાલયે લોકોને સાવચેત કરતાં કહ્યું છે કે તેઓ આ રીતેની ભૂલ ન કરે. સાથે જ કહ્યું કે મેસેજમાં આવનારી કોઈ પણ લિંક પર ક્લિક ન કરો. નવી રીત પ્રમાણે પહેલા યુઝર્સને એક મેસેજ મોકલવામાં આવે છે તેમાં લખેલું હોય છે કે તમારા બેંક અકાઉન્ટમાં નૉમિનીનું નામ જોડવામાં આવ્યું છે. 30 મિનિટની અંદર નૉમિનાના ખાતામાં પૈસા ટ્રાન્સફર કરી શકશો. જો તમે એમ નથી કર્યું તો તમે ફરિયાદ નોંધાવી શકો છો.
તમને જણાવી દઈએ કે આ લિંક પર ક્લિક કરતા જ હેકર તમારી બધી જાણકારી ચોરી શકે છે. એવામાં ક્યારેય પણ તમે આવી કોઈ લિંક પર ક્લિક ન કરો, કેમકે કેટલીક વખતે લોકો જાણ્યા વિચાર્યા વિના લિંક પર ક્લિક કરી દે છે અને હેકર્સ તેમની જાણકારી મેળવી લે છે. ગૃહ મંત્રાલય તરફથી સાઇબર દોસ્ત દ્વારા ટ્વીટ કરવામાં આવ્યું છે, તેમાં આ મેસેજનું માળખું દેખાડવામાં આવ્યું છે. જો તમને પણ કોઈ એવો મેસેજ મળે છે તો તેની ફરિયાદ તરત સાઈબર ક્રાઈમ પોલીસમાં કરો. સાથે જ મેસેજમાં આપેલી કોઈ પણ લિંક પર ક્લિક ન કરો.
હેકર્સ યુઝર્સને અનેક રીતેના મેસેજ મોકલે છે. તેમાં યુઝરને વોર્નિંગ આપીને કે કોઈ રીતેનું જોખમ દેખાડીને ભરમાવવાનો પ્રયત્ન કરે છે. આ મેસેજીસમાં લિંક પણ આપેલી હોય છે, જેના પર જો તમે ભૂલથી પણ ક્લિક કરી દો છો તો, તમારી જાણકારી હેકર્સ સુધી પહોંચી જાય છે. એવામાં તમે હંમેશા એ ધ્યાનમાં રાખો કે ઉતાવળમાં કોઈ પણ રીતેની લિંક પર ક્લિક ન કરો. તમારે હંમેશા એ વાત પર ધ્યાન આપવું જોઈએ કે તમારો મેસેજ ક્યાંથી મોકલવામાં આવ્યો છે. લિંક સુરક્ષિત છે કે નહીં એ જાણવું ખૂબ જ આવશ્યક છે. જો લિંકમાં તમને કોઈ પણ પરેશાની લાગે છે તો તમે તેની ફરિયાદ તરત જ સાઇબર ક્રાઈમ પોલીસમાં કરી શકો છો.
