બન્યો આજ અદ્ભુત પ્રસંગ,
મિલન થયું ગાંધીનું ભગતસિંહને સંગ.
મળી ગાંધીએ ક્હ્યું ભગતને આજ,
પ્રસંગો વાગોળ્યા એકબીજાએ કરેલા દેશને કાજ.
ભગત કહે બાપુ દીધી શહીદી એળે ગઈ,
મળેલ આઝાદી ફરી કરમાઈ ગઈ.
હવે તો નથી કોઈ ભગત જે દેશે જીવ આજ,
કાયર થઈને ફરતા ને જોતાં આગ્રાનો તાજ.
તેને બસ બોલવું સહેલું છે આ આઝાદી વિશે,
નથી કોઈ જે સમજે મારા સપનાના ‘બાગ’ વિશે.
શું થઈ હતી હાલત મારી જ્યારે મેં જોયેલ બાગ,
એ નથી બુજી આજે પણ રાજનીતિ ને કાજ.
સોનામાં તોલીને આપ્યો હતો દેશ તમારા હાથ,
પણ ના સાચવી શકયા આ દેશ દઈ અંગ્રેજોને સાથ.
જે ભાષામાં આપણે સહન કરી ગાળો,
તેમાં જ લખાશે આપણો સુવર્ણ ઇતિહાસ કાળો.
આજે ગર્વ કરે આ યુવાનો બોલીને તે બોલી,
ને સ્વાગત કરે છે તેનું દિલના દરવાજા ખોલી.
મને નથી મળી આજ સુધી શાંતિ,
જરૂરી છે આજે એક નવી ક્રાંતિ.
શું ઘટે છે આજ આપણી પાસે,
છતાં હાથ લંબાવે વિરોધીઓ પાસે!
બાપુ દિલતો શરમથી ભાંગયું આ યુવાએ,
પણ હવે હું કશું નથી કરી શકવાનોએ.
~
YASH ZADAFIYA
