આ કાળઝાળ ગરમીમાં જ્યાં ઠેર-ઠેર લોકો બિમારીઓનો ભોગ બની રહ્યા છે ત્યાં બાળકો પણ ગરમી અને ઇર્રિટેશનથી પરેશાન છે. બાળકો તથા શિશુની ત્વચા ખૂબ જ કોમળ હોય છે, આવી સ્થિતિમાં જો ફોલ્લીઓ, રેશિઝ, ખંજવાળ વગેરે થાય છે, તેનું ખૂબ જ ધ્યાન રાખો. બાળકની ત્વચાને યોગ્ય કાળજીની જરૂર હોય છે. તો આવો જાણીએ આ ઉનાળામાં બાળકોની ત્વચાની કેવી રીતે કાળજી રાખવી.
બાળકોની ત્વચાની આવી રીતે કાળજી લો
દરરોજ બાળકને નવડાવો. જેમ ન્હાયા પછી મોટા લોકો તાજગી અનુભવે છે તેમ બાળક પણ તાજગી અનુભવે છે. તેઓ ફ્રેશ થયા પછી શાંતિથી સૂઈ શકે છે.
ઉનાળામાં બાળકને નવડાવવાની ટિપ
- – પાણીનું તાપમાન ચેક કરી લો. તે બહુ ગરમ પણ ન હોય અને ખૂબ જ ઠંડુ પણ ન હોય
- – દરરોજ શેમ્પૂ અને સાબુ ન લગાવો. પાણીથી નવડાવવાથી પણ બાળકની ત્વચા સાફ થઈ જાય છે
- – જો બાળકની ત્વચા ડ્રાય છે, તો તેને વધારે ન ઘસો
- – ડ્રાઇનેસથી બચાવવા માટે મોઇસ્ચરાઇઝરનો ઉપયોગ કરો
- – દરેક સમયે તેને ડાયપર ન પહેરાવો. તેનાથી તેને ઇર્રિટેશન થાય છે
- – તેને એસીના યોગ્ય ટેમ્પ્રેચરમાં છોડી દો. ધ્યાન રાખો કે ઠંડી વધારે ન લાગે
બપોરના સમયે બાળકને ઘરેથી બહાર ન લઇ જાવ
તમારા બાળકને બને તેટલું ઘરની અંદર રાખો. બપોરના સમયે બહાર ના લઇ જાવ, નહીં તો હીટ સ્ટ્રોક સાથે ત્વચાની સમસ્યા થઈ શકે છે. ઘરમાં સતત AC ચાલુ ન રાખો.
બાળકને હાઇડ્રેટેડ રાખો
હેલ્ધી સ્કિન માટે ત્વચાને હાઇડ્રેટેડ રાખવી ખૂબ જ જરૂરી છે. તેનાથી ત્વચાની કોઈ સમસ્યા નહીં થાય. જો બાળકને તરસ ન લાગી હોય, તો પણ તેને થોડુ-થોડુ પાણી આપતા રહો. ધ્યાન રાખો કે જો તમારું બાળક 6 મહિનાથી ઉપરનું છે, તો તમે તેને જ્યુસ આપી શકો છો.
