રાજકોટની ચટણીનું નામ તો તમે પણ સાંભળ્યુ હશે. રાજકોટની ચટણી દરેક જગ્યાએ ફેમસ છે. ઘણાં લોકો જે લોકો રાજકોટથી આવતા-જતા હોય એમની પાસે મંગાવતા હોય છે અને આ ચટણીનો આનંદ લેતા હોય છે. આ ચટણી ખાવાની બહુ જ મજા આવે છે. આ ચટણી તમે ભાખરી-શાક સાથે ખાઓ છો તો મજ્જા પડી જાય છે. જો કે ઘણાં લોકોને આ ચટણી ખૂબ જ પ્રિય હોય છે, પરંતુ ઘરે ટેસ્ટમાં રાજકોટ જેવી બનતી હોતી નથી. જો આ ચટણીનો ટેસ્ટ ના હોય તો ખાવાની મજા આવતી જ નથી. આમ, જો તમને પણ આ ચટણી બહુ ભાવે છે અને તમારે ટેસ્ટમાં રાજકોટ જેવી બનાવી છે તો આ રીત નોંધી લો તમે પણ…
સામગ્રી
- સિંગદાણા
- લીલા મરચા
- લીંબુ
- હળદર
- મીઠુ
બનાવવાની રીત
- રાજકોટની ફેમસ ચટણી બનાવવા માટે સૌ પ્રથમ ચટણી કરવા માટેનો મિક્સર બાઉલ લઇ લો.
- ત્યારબાદ આ બાઉલમાં સિંગદાણા, મીઠું, લીલા મરચાં અને લીંબુનો રસ નાંખીને એક સાથે બધુ મિક્સ કરી લો.
- ત્રણ વાર ફેરવ્યા પછી મિક્સરનો બાઉલ ખોલો અને પછી ચમચીથી હલાવીને ફરીથી એકથી બેવાર ફેરવી લો.
- જો ચટણી સ્મુધ ના થઇ હોય તો તમે ફરીથી ફેરવી શકો છો.
- આ ચટણી લીસી હોવી જરૂરી છે.
- તો તૈયાર છે રાજકોટની ફેમસ ચટણી.
- આ ચટણીમાં તમે લસણ પણ નાંખી શકો છો.
- જો તમારા ઘરમાં બધાને તીખું બહુ ભાવે છે તો તમે લીલા મરચાં થોડા વધારે પણ નાંખી શકો છો.
- આ ચટણીમાં લીંબુનો રસ ઉપર પડતો હોય છે. તમને ખ્યાલ હશે કે આ ચટણીમાં ખટાશ ઉપડતી હોય છે.
- આ ચટણી તમે પરાઠા અને શાક સાથે ખાઓ છો તો બહુ જ મસ્ત લાગે છે અને ખાવાની પણ મજા આવે છે. તમે આ ચટણી આ રીતે બનાવશો તો ટેસ્ટમાં સેમ રાજકોટ જેવી જ બનશે અને ખાવાની પણ મજા આવશે.