રિદ્ધિ નામની એક છોકરી સ્કૂલમાં ભણતી હતી. તેના પપ્પાની અને સ્કૂલના પ્રિન્સીપલની મિત્રતા હતી. તેથી તેને ત્યાં એડમીશન મળી ગયું. થોડાક સમય પછી સ્કૂલમાં હેડ બૉય અને હેડ ગર્લ સિલેક્ટ કરવાના હતા. જેના માટે રિદ્ધિના પપ્પાએ તેમના પ્રિન્સીપલને પહેલેથી જ વાત કરેલી કે હેડ ગર્લ મારી છોકરીને જ બનાવજો. પ્રિન્સીપલ માની પણ ગયા. થોડીક વાર રહીને પ્રિન્સીપલ કલાસમાં આવીને એક એનાઉન્સમેન્ટ કરી. તે બોલ્યા, “આજે આપણે સ્કૂલના હેડ બૉય અને હેડ ગર્લ સિલેક્ટ કરવાના છે. જેને તેમાં ભાગ લેવો છે તે તેનું નામ લખાવી લે. અને પછી પોતાના ઉપર કઈક સ્પીચ દે. જેની સ્પીચ સારી હશે તેને અમે સિલેક્ટ કરીશું.” બધા પોતાનું નામ લખાવા મંડ્યા. પણ રિદ્ધિ હજી ઉભી જ નહોતી થતી. તો પણ તેની સખીએ તેના તરફથી નામ લખાવી લીધું. સ્પીચનો વખત આવ્યો. બધા પોતાની સ્પીચ દઈને જતા હતા. રિદ્ધિનો વારો આવ્યો. તે કંઈ બોલી જ નહિ. બસ ડરતી રહી. આઘેથી પ્રિન્સીપાલ તેને ઈશારો પણ કર્યો કે કંઇક બોલ. પણ તે બોલી જ નહી. આખરે પ્રિન્સીપાલને કોઈક બીજાને જ હેડ ગર્લનું પદ આપવુ પડ્યું. રિદ્ધિ ઘરે આવી. તેના પપ્પાએ તેને પૂછ્યું, “આજે તું હેડ ગર્લ બનીને? મેં પહેલેથી જ મારા મિત્રને ફોન કરી કહી દીધું હતું. બોલને શુ થયું?”
રિદ્ધિએ જવાબ આપ્યો, “હું તો ત્યાં કંઈ બોલી જ નહીં. કારણ કે મને ડર લાગતો હતો. અને તેના લીધે જ હું હેડ ગર્લ પણ ન બની શકી.” તેના પિતાને આ વાતનો બહુ અફસોસ થયો કે જો આજે આ બોલી હોત તો હેડ ગર્લ બની ગઈ હોત. પણ હું પણ ભૂલી ગયો તે કહેવત કે, “બોલે તેના બોર વહેંચાય.” જો એ બોલે જ નહીં તો હેડ ગર્લ ક્યાંથી બની શકે? ત્યાં
જ તેના મિત્ર પ્રિન્સીપલનો ફોન આવ્યો અને તે બોલ્યા, “આજે મેં બસ આપણી મિત્રતા જાળવવા માટે તમને હા પાડી હતી. પણ જો તમે મારી મિત્રતાનો આવી જ રીતે ફાયદો ઉઠાવવાના હો તો આ મિત્રતાની જરૂર નથી. તમારી છોકરી એન્ટ્રન્સ exam માં પણ કંઈ નહોતી બોલી. છતાં મેં તેને એડમિશન દેવડાવી દીધું. હવે આજથી આપણી મિત્રતા નથી રહી.” આમ કહી તેને ફોન મૂકી દીધો. આજે તેના પિતાને બહુ અફસોસ થતો હતો કે મેં મારી છોકરીને ક્યાંય ખુલીને બોલતા જ ન શીખવાડ્યું.
